Marbalunte

           

 

             Au dongan, pala uparorai upamanat upasari-sari, bo di ari manyogot  muda dung tarsonggot laos marngiat-ngiati, sanga pe di potang ni ari dung solpu maridi, laos samon ni ari diamumuli ni situmorus kabong mangalului parpidoan, manombo boto (dung jumolo marsantabi) dompak mangatur de taringot, atia mangayup na solot-solot anso ulang tobot be sanga sosot na itotang ni pusot  sanga ngot-ngot.mangungkap alot. Manombo dompak di sabaan do dongan, dompak marlaya manggaor itobatta na tar marpaya i, mekel de au songkoni sasada au mangaroaon na marnamocom di utiutian i. Nabahat do ulala kele asomalan ni alak ita Mandailing, asomalon na tinadingkon ni ompunta na dung jumolo sundut, na ita pauman-uman lopus tu ari na sadari on.

            Dia ma nangkinondi asomalan na udok di jolo ima satontang di na mambaen ja na manjalai sonang ni roa. Arana jaru pe na tabo panganon nangkan silamoton, jaru pe na tonggi aek siinumon, suang ilu ni silumambe bulung, anggo na so dohot sonang ni roa do mangarasoina indangkan na mangoban sonang ni roa. I ma so nidok bulung botik pe mardai mera, atia na mangankonsai rap sonang pangaroaina, tata boi inda markilim-kilim, ato pe matucekcek sanga pe marbirungut-birungut. Jamuda pe na gule mera ma nangkan pinangan i anggo na mandemes-demes do pangoloina ngadangkan na tabo i sipanganon i. Angke dila um na mandai do I anggo sapetona ateate do na um peto asa na um reso.

            Sakalai sanoli, di alasan ni sidumadang ari marsalimpotpot mangusa langit na mangarata, di aloloja ni bujing partonun pasingkop sayup sitipaon, di angunguas ni bayo panopa, di aruruncur  baju ni bulu sanga bulung ni torop na tobang; jomba tu amun jomba tu ambirang,

Published in: on 6 April 2009 at 01:47  Comments (1)  

The URI to TrackBack this entry is: https://bakhsanparinduri85.wordpress.com/2009/04/06/marbalunte/trackback/

RSS feed for comments on this post.

One CommentTinggalkan komentar

  1. Kahanggi, dung ubasa dungi uulai masengan mamasana sakali nai, tulisan muyu “Marbalunte”; torbit do di roangku madung “marlamutak” do isi ni saraor si “Merdet”. Paduana, uambang do na marbal unte Bali dakdanak di topi tobat na bolak. Tai rupana sala do au manggambar isi ni tulisan ni kahanggi i.

    Taringot di namanjalai sonang ni roa, nabahat do da antusan nion; tarmasuk do molo “satahi saholoan” di parkobaran; songon mamolgang bulung botik, bope paet tai mardai mera.


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: